لاہور : پنجاب ریونیو اتھارٹی نے  ریسٹورنٹس  کے گرد گھیرا تنگ  کر دیا

پنجاب ریونیو اتھارٹی نے شہر لاہور میں موجود مختلف  ریسٹورنٹس  کے گرد گھیرا تنگ  کر دیا ۔ 

پنجاب ریونیو اتھارٹی نے غیر رجسٹرڈ اور الیکٹرانک انوائس سسٹم  کی چیکنگ و مانیٹرنگ کے لیے ٹیمیں تشکیل  دیں دی ۔

 کمشنر پی آر اے لاہور  مصباح نواز کی ہدایت پر  انفورسمنٹ افسرز   سعود عتیق خان اور اکمل واڑائچ  اور کامران ملک  نے  گلبرگ کے مختلف ریسٹورنٹس   کے  الیکٹرانک انوائس سسٹم  کی رجسٹریشن اسٹیٹس  کو چیک کرنے کیلئے نامور  ریسٹورنٹس  پر  چھاپے مارے ۔

الیکٹرانک انوائس سسٹم نصب نہ کرنے والے  ریسٹورنٹس   کو  ایک ایک لاکھ جرمانہ کر دیا گیا ۔

  تمام  ریسٹورنٹس مالکان کو  سیلز کا ریکارڈ طلب کرنے کے لیے   پندرہ دن  کی مہلت دی گئی ہے ۔

ترجمان  پی آر اے کے مطابق مقرر کردہ وقت کے بعد جرمانہ کی وصولی اور بعدازاں سخت قانونی کارروائی بشمول  سیلنگ عمل میں لائی جاسکتی ہے ۔