حریم شاہ کی شادی کا بھانڈا پھوٹ گیا

پاکستان کی معروف ٹک ٹاکر حریم شاہ اکثر اپنی  ویڈیوز کی وجہ سے خبروں  کی زینت بنی رہتی ہے  مگر کچھ روز قبل مشہور سیاسی شخصیت سے شادی کرنے کے دعوے نے ہلچل مچا رکھی ہے ۔ کچھ روز قبل حریم شاہ نے عروسی  لباس زیب تن کر کے  اپنے ٹک ٹاک اور انسٹاگرام اکاؤنٹس پر تصاویر شیئر کیں جس کے بعد سوشل میڈیا میں  ان کی شادی سے متعلق قیاس آرائیاں   ہونے لگیں۔ میڈیا  کے ہر پلیٹ فارم پرحریم شاہ کی شادی موضوع بحث بن گئی   ۔

تصاویر ،ویڈیوز وائرل ہونے کے بعد حریم شاہ بھی میدان میں آئیں اور انہوں نے دعویٰ کیا کہ ان کی شادی سندھ اسمبلی کے رکن اور پیپلز پارٹی کے ایک صوبائی وزیر سے ہوئی ہے  اور وہ  اس بارے میں زیادہ تفصیلات نہیں بتا سکتیں ، ان کے ’شوہر پہلے سے شادی شدہ ہیں لہذا جب وہ اپنی پہلی بیوی کو منا لیں گے تو وہ اس شادی کے بارے میں سب کو بتا دیں گے۔‘جس  کے بعد سندھ کے  کئی  رکن صوبائی اسمبلی میڈیا کے سامنے صفائیاں دیتے نظر آئے۔

تاہم حال ہی میں حریم شاہ کی شادی  کا میک اپ  کرنے والی آرٹسٹ کا شفہ نے  اس کہانی کا ڈراپ سین کردیا  ۔ میک اپ آرٹسٹ  نے اصل حقیقت سے پردہ اٹھا تے ہوئے  کہا  کہ ’ کراچی کے 18 جون کو ہونے والا  برائیڈل  شوٹ  دراصل پارلر کی تشہیریا برینڈنگ کیلئے تھا   اور اس بارے میں حریم شاہ سے پہلے سے ہی تمام معاملات طے کئے گئے تھے ۔وہ یہ نہیں جانتی کے اس کے بعد حریم شاہ نے شادی کی یا نہیں اور کس سے کی ہے  لیکن میں صرف یہ بتا سکتی ہیں کہ یہ تصاویر ان کے  سیلون  کی ہیں ۔

میک اپ آرٹسٹ کے اس  بیان کے بعد تاحال   حریم شاہ کی جانب سے کوئی وضاحت سامنے نہیں آئی لیکن سندھ اسمبلی کے وزراء کی جان میں جان ضرور آگئی ہے ۔