'میں پچھلے ایک سال سے آپ کے پیچھے پڑا ہوں'،چاہت فتح علی خان پھر تنقید کی زد میں

لاہور:سوشل میڈیا پراپنے خود ساختہ گانوں کی وجہ سے مشہور ہونے والے گلوکارچاہت فتح علی خان ایک بار پھر تنقید کی زد میں آگئے۔
 حال ہی میں چاہت فتح علی خان نے ایک نجی ٹی وی کے پروگرام میں شرکت کی جس میں انہوں نے میزبان سے کچھ مذاقاً شادی سے متعلق گفتگو کی، جس کی ویڈیو سوشل میڈیا پر کافی وائر ل ہو رہی ہے۔
میزبان کی جانب سے سوال پوچھا گیا کہ آپ خود کو سنگل کہتے ہیں کس لڑکی سے شادی کریں گے؟ اس کے جواب میں چاہت فتح نے کہا کہ ’ انہیں ان جیسی خوبصورت، پٹھانی اور نیلی آنکھوں والی لڑکی چاہیے۔
چاہت فتح علی خان نے مزید کہا کہ میں پچھلے ایک سال سے آپ کے پیچھے پڑا ہوں‘۔
ویڈیو میں ٹی وی میزبان کو چاہت فتح علی خان کی بات پر ہسنتے ہوئے دیکھا جا سکتا ہے، ساتھ ہی وہ انہیں کہتی ہیں کہ وہ انہیں پسند نہیں جب کہ گھر والے بھی نہیں مانیں گے۔
اس کے علاوہ چاہت فتح علی خان نے میزبان کے دیگر سوالوں پر بھی عجیب حرکتیں کیں جس پر انہیں تنقید کا نشانہ بنایا جارہا ہے۔
واضح رہے کہ چند روز قبل چاہت فتح علی خان کی میزبان متھیرا کے ساتھ بھی ویڈیو وائرل ہوئی تھی جس میں وہ متھیرا کی کمر پر ہاتھ رکھ رہے تھے،جس پر متھیرا کی جانب سے کافی سخت ردعمل دیا گیا تھا اور سوشل میڈیا صارفین نے بھی چاہت فتح علی خان کے اس رویے پر آڑے ہاتھوں لیا تھا۔