لاہور: پولیس اہلکار بھکاری خاتون سے زیادتی کرنے کی کوشش، ملزم گرفتار

لاہور:صوبائی دارالحکومت لاہور کے علاقے مناواں میں ایک  پولیس اہلکار بھکاری خاتون سے جنسی زیادتی کرتے ہوئے رنگے ہاتھوں پکڑا گیا۔ اہلکار نے پکڑے جانے پر شہری ساجدپر فائرنگ کر دی، جس سے نوجوان زخمی ہو گیا۔
ذرائع کے مطابق مقامی افراد نے ملزم اہلکار کو قابو کر کے مناواں پولیس کے حوالے کر دیا۔ فائرنگ سے زخمی ہونے والے نوجوان ساجد کو فوری طبی امداد کے لیے اسپتال منتقل کر دیا گیا،جہاں حالت خطرے سے باہر بتائی گئی۔
دوسری جانب ڈی آئی جی آپریشنز فیصل کامران نے واقعہ کا نوٹس لیا جس پر واقعے میں ملوث اہلکار کے خلاف مقدمہ درج کر لیا گی، مقدمہ  متاثرہ شہری ساجد کی مدعیت میں نامزد ملزم امجد کے خلاف درج کیا گیا۔
ڈی آئی جی آپریشنز فیصل کامران کا کہنا ہے کہ واقعے میں ملوث گرفتا ر اہلکار امجد تھانہ شفیق آباد میں تعینات تھا،انہوں نے مزید کہا کہ متعلقہ اہلکار کے خلاف سخت قانونی اور محکمانہ کارروائی ہوگی۔
ڈی آئی جی آپریشنز فیصل کامران نے کہا کہ ایک اہلکار کی قانون کی خلاف ورزی پوری فورس کی بدنامی کا باعث بنتی ہے، محکمے میں موجود کالی بھیڑوں سے پولیس فورس کا کوئی تعلق نہیں، کڑی ڈیوٹی کرنے والی فورس کی بدنامی کا باعث بننے والوں کی جگہ جیل ہے۔