مقبوضہ جموں کشمیر : لائن آف کنٹرول کے قریب دھماکہ، کیپٹن سمیت 2 بھارتی فوجی ہلاک

سری نگر: مقبوضہ جموں و کشمیر میں لائن آف کنٹڑول کے قریب دھماکے میں 2 بھارتی فوجی ہلاک اورایک زخمی ہوگیا۔
بھارتی میڈیا رپورٹس کے مطابق دھماکہ لائن آف کنٹرول کے قریب اکھنور سیکٹر میں پیش آیا،دھماکہ دو پہر ساڑھے 3 بجے پیش آیا جب بھارتی فوجی گشت پر تھے، دھماکے کے بعد تینوں فوجیوں کو زخمی حالت میں اسپتال منتقل کیا گیا جہاں کیپٹن سمیت 2 فوجی جان سے ہاتھ دھو بیٹھے۔
رپورٹس میںکہا گیا ہے کہ اب تک ابتدائی تحقیقات کے مطابق دھماکے کی نوعیت آئی ای ڈی معلوم ہوتی ہے۔
بھارتی فو ج کے بیان میں کہا گیا ہے کہ دھماکے کے بعد فورسز نے موقع پر پہنچ کر لائن آف کنٹرول کے ساتھ بڑے پیمانے پر سرچ آپریشن شروع کردیا ہے۔