چیئرمین مہاجر قومی موومنٹ آفاق احمد گرفتار

کراچی : مہاجر قومی موومنٹ کے چئیرمین آفاق احمد کو پولیس کی جانب سے گرفتار کر لیا گیا۔
تفصیلات کے مطابق مہاجر قومی موومنٹ کے چیئرمین آفاق احمد کو کراچی میں ان کی رہائش گاہ سے گرفتار کرلیا گیا۔
 پولیس کی جانب سے جاری بیان میں بتایا گیا ہے کہ انہیں گزشتہ روز دیئے جانے والےاشتعال انگیز بیان کی بنا پر گرفتار کیا۔
پولیس کے مطابق چئیر مین مہاجر قومی موومنٹ آفاق احمد کے کہنے پر کراچی میں مال بردار گاڑیاں جلائی گئیں، کورنگی میں مال بردار گاڑیوں کو جلانے کا مقدمہ درج کیا گیا تھا۔
 مہاجر قومی موومنٹ کے چیئرمین کے خلاف جلاؤ گھیراؤ کی دفعات کے تحت مقدمہ درج کیا گیا ہے۔
خیال رہے کہ گزشتہ دنوں آفاق احمد نے اعلان کیا تھاکہ مہاجر نوجوانوں کو بڑا بھائی سمجھ کر حکم دے رہا ہوں کہ منگل کے روز سے شہر میں ہیوی ٹریفک نہیں ہونا چاہیے۔