میٹا نے انسٹا گرام میں ڈس لائیک بٹن کا اضافہ کر دیا

کیلیفورنیا:میٹا کی جانب سے فوٹو اینڈ ویڈیو شئیرنگ ایپ انسٹا گرام میں ایک ایسا اضافہ کیا جا رہا ہے جو اب تک اس ایپ میں پہلے کبھی دیکھنے میں نہیں آیا تھا۔
میٹا کی جانب سے انسٹا گرام ایپ میں ڈس لائیک بٹن کی آزمائش کی جا رہی ہے، جس کی تصدیق کمپنی کی جانب سےبھی کی گئی ہے کہ کمنٹس کے لیے اس نئے بٹن کی آزمائش کی جا رہی ہے۔
اس بٹن یا فیچر کے ذریعے صارفین دیگر کو سگنل دے سکیں گے کہ ان کا کمنٹ انہیں پسند نہیں آیا یا ان کے خیال میں یہ پوسٹ سے متعلق نہیں، آزمائش مکمل ہونے کے بعدیہ فیچر انسٹا گرام فیڈ پوسٹس اور ریلز دونوں میں دیکھنے میں آیا ہے اور فی الحال محدود افراد کو دستیاب ہے۔
انسٹا گرام کے سربراہ ایڈم موسیری نے تھریڈز میں ایک پوسٹ میں بتایا کہ کمپنی کی جانب سے ڈس لائیک کاؤنٹ کو ظاہر نہیں کیا جائے گا اور کسی کو علم نہیں ہوگا کہ آپ نے کسی کمنٹ کو ڈس لائیک کیا ہے،انہوں نے بتایا کہ بتدریج ڈس لائیکس  کے ذریعے کمنٹس کی رینکنگ کی جائے گی۔
ایڈم موسیری کا کہنا تھا کہ آپ میں سے کچھ افراد نے کمنٹس میں ایک نئے بٹن کو دیکھا ہوگا جس کی آزمائش ہماری جانب سے کی جا رہی ہے، اس بٹن کے ذریعے آپ اپنا نام ظاہر کیے بغیر یہ عندیہ دے سکیں گے کہ آپ کو مخصوص کمنٹ پسند نہیں آیا۔