چیمپئنز ٹرافی : پاک بھارت ٹاکرا کل دبئی میں ہو گا

 آئی سی سی چیمپیئنز ٹرافی کا اہم میچ کل پاکستان اور بھارت کے درمیان دبئی میں کھیلا جائے گا۔

خیال رہے کہ پہلے میچ میں پاکستان نیوزی لینڈ سے ہار گیا تھا،کل میچ پاکستانی وقت کے مطابق دوپہر 2 بجے کھیلا جائے گا۔

دوسری جانب موسم کی صورتحال بتانے والی ویب سائٹ کا  کہنا ہے کہ کل بروز اتوار بارش کا  کوئی امکان نہیں ہے،کچھ روز قبل متحدہ عرب امارات میں جبل جیس اور راس الخیمہ میں تیز بارش ہوئی تھی اور ژالہ باری بھی ہوئی تھی،اس اہم مقابلے کے لئے ریزرو ڈے نہیں رکھا گیا ہے۔ 

بھارت کے بعد پاکستان کا صرف بنگلہ دیش کے ساتھ گروپ میچ ہے، پاکستان پوائنٹس ٹیبل پر بھی اس وقت اپنے گروپ میں سب سے آخر میں موجود ہے۔

واضح رہے کہ یہ میچ پاکستانی ٹیم کے لئے جیتنا ضروری ہے، شکست کی صورت میں اگلے مرحلے میں پہنچنا مشکل ہو سکتا ہے۔