خیرات سے ہسپتال چل سکتے ہیں حکومت نہیں ، وزیر خزانہ

وفاقی وزیرخزانہ محمد اورنگزیب نے کہا کہ خیرات سے اسپتال چل سکتے ہیں حکومت نہیں۔  

محمد اورنگزیب نے کہا کہ تیل، گھی، دالوں کی بین الاقوامی قیمتیں گررہی ہیں ،یہاں بڑھ رہی ہے، وزیراعظم اور ان کی ٹیم ملکی ترقی کیلئے کام کررہی ہے، وزیراعظم ایف بی آر اصلاحات کو لیڈ کررہےہیں۔

 وفاقی وزیرخزانہ نے کہا کہ ملکی معیشت درست سمت میں گامزن ہے، پالیسی ریٹ کم ہونے سے کاروباری افراد کوفائندہ ہوا، ہمیشہ یہی بات آتی ہےمعاشی استحکام آگیاہےتو اسے آگےکیسے برقرار رکھا جائے۔

وفاقی وزیرخزانہ محمد اورنگزیب نے چیمبر آف کامرس سے خطاب کرتے ہوئے کہا کہ مہنگائی کی شرح کم ہوکرسنگل ڈیجٹ پرآگئی، پاکستان کی اسٹاک مارکیٹ نے بلندیوں کوچھواہے، اصلاحات سے ٹیکس وصولیوں میں اضافہ ہوا۔

وفاقی وزیرخزانہ نے یہ بھی کہا پرائیویٹ سیکٹرکے ساتھ مل کر کام کرنا وقت کی ضرورت ہے، کسٹم سےکرپشن ختم ہوگئی ہے، مزید بہتری کی گنجائش ہے، ٹیکس کادائرہ کاربڑھانے سے پوری قومی خزانےکا بوجھ کم ہواہے۔

محمد اورنگزیب نے کہا کہ پائیدار اور مؤثر پالیسیز سے ہی پاکستان ترقی کرے گا، بیرون ممالک کمپنیوں کاپاکستان پراعتمادبڑھ رہاہے، چیف جسٹس سے درخواست کی تھی جتنے بھی کیس رکے ہیں انہیں کلیئر کریں، ان کے احسان مندہیں کہ کمیٹی بنائی ہے تیزی سے فیصلے کریں۔

محمد اورنگزیب نے کہا کہ ٹیکس فارم کو آسان بنانا ہے تاکہ لوگ خود بھر سکیں، فارم بھرنے کیلئےکسی کو وکیل کی ضرورت نہیں ہوگی۔