لالی وڈ کی نئی فلم لمبی جدائی کا ٹیزر جاری

لالی وڈ کی نئی فلم لمبی جدائی کا ٹیزر اور ٹریلر ریلیز کر دیا گیا۔ کاسٹ کا کہنا تھا کہ عید پر متعدد فلمیں ریلیز ہو رہی ہیں انڈسٹری کے لیے خوش آئند بات ہے . 

لاہور کے مقامی ہوٹل میں نئی فلم لمبی جدائی کے ٹریلر ریلیز کی تقریب منعقد ہوئی،، فلم کاسٹ سے اداکارہ فضا مرزا، علی نواز، اظہر رنگیلا نے شرکت کی۔ نامور ہدایت کار سید نور، ناصر ادیب اور لیجنڈ اداکار غلام محی الدین فلم کی سپورٹ کے لیے پہنچے۔ 

کاسٹ کا کہنا تھا کہ اپنے کام سے کوشش کی ہے کہ روٹھے مداحوں کو واپس سینما گھروں میں لا سکیں۔ 
   
ہدایتکار سید نور نے کہا کہ فلم کی کہانی بہترین ہے میری تین فلمیں بھی اسی سال ریلیز ہوں گی۔ انڈسٹری بہتری کی طرف گامزن ہے۔ 
فلم لمبی جدائی میں بابرعلی مرکزی کردار نبھاتے نظر آئیں گے۔ فلم عید الفطر پر سینما گھروں کی زینت بنے گی۔