خیبرپختونخوا کی معاشی صورتحال باقی تینوں صوبوں سے بہتر ہے،وزیر اعلی

پشاور: وزیراعلیٰ کے پی ا علی امین گنڈا پور نے کہا ہے کہ وفاق سے رکاوٹوں کے باوجود خیبرپختونخوا کی معاشی صورت حال باقی تینوں صوبوں سے بہتر ہے۔
پشاور میں تقریب سے خطاب کرتے ہوئے وزیر اعلیٰ علی امین گنڈا پور کا کہنا تھا کہ ہم نے اپنی پوری آبادی کو صحت کارڈ پلس دیا، پنجاب کی کارکردگی ہماری ایک فیصد کارکردگی کے برابر بھی نہیں، کارکردگی پر وزیراعلیٰ پنجاب سے مناظرے کیلئے تیار ہوں۔
وزیر اعلی علی امین نے کہا کہ ہم نے مشکل حالات کے باوجود آمدن میں 55 فیصد اضافہ کیا، خیبرپختونخوا واحد صوبہ ہے جس نے آئی ایم ایف کا ٹارگٹ حاصل کیا ہے، باقی کسی دوسرے صوبے نے نہیں کیا۔
انہوںنے مزید کہا کہ خیبرپختونخوا حکومت کے پاس خزانے میں 176 ارب روپے کا سرپلس پڑا ہے، پنجاب کے جتنے فیصد طلبہ کو لیپ ٹاپ دیئے جا رہے ہیں ہم بھی اتنے فیصد طلبہ کو مفت لیپ ٹاپ دیں گے۔
ان کا کہنا تھا کہ ہم چار ہزار مستحق بچیوں کی شادیاں کروا رہے ہیں اور ہر بچی کو دو لاکھ روپے دے رہے ہیں، پنجاب بھی اپنی آمدن 12 فیصد سے 55 فیصد تک بڑھائے۔