تاریخ کا سب سے بڑا سائبر حملہ

غیر ملکی خبر رساں ادارے کے مطابق  رینسم وئیروائرس کےحملےسےدنیا بھر متاثر،سویڈش گروسری اسٹور چین  متاثر ہوئی ہے ، کمپیوٹر وائرس رینسم وئیرکےباعث 800 اسٹور بند کرناپڑے۔سائبر حملے سے  نقدرقم کے اندراج کاسسٹم ناکام ہوگیا۔

امریکی ٹیک  پروائیڈر کاسیا، پر غیر معمولی اورپیچیدہ حملہ کیا گیا۔ ڈیسک ٹاپ مینجمنٹ ٹول کو ہائی جیک کر لیا۔ہزاروں کاروبار ی مقامات پرٹیک مینجمنٹ فراہمی متاثر ہوئی ہے۔

کاسیا کی  جانب سے ایک  بیان میں کہا گیا ہے کہ ہم مکمل احتیاط کے ساتھ اس حادثے کے بنیادی سبب کا پتہ لگانے کی کوشش کر رہے ہیں  اور آپ سے گزارش کرتے ہیں کہ اپنے وی ایس اے کو فوراً بند کردیں اور جب تک کہ ہماری طرف سے آپ کو کوئی اطلاع موصول نہ ہو اس وقت تک اسے استعمال نہ کریں۔

وی ایس اے کاسیا کمپنی کی جانب سے فراہم کردہ وہ پروگرام ہے جس کی مدد سے کمپنیاں کسی ایک ہی جگہ سے کمپیوٹروں اور پرنٹروں کے اپنے پورے نیٹ ورک کو کنٹرول کرسکتی ہیں۔ اس کمپنی کا رجسٹرڈ دفتر امریکا کے فلوریڈا میں ہے جب کہ اس کا بین الاقوامی ہیڈکوارٹر آئرلینڈ میں ہے۔

سائبر حملے سے ہزاروں چھوٹی کمپنیاں بھی  متاثر ہوئی ہیں۔میامی  کی کمپنی کاسیا ،  ایف بی آئی کے ساتھ مل کر  تحقیقات کررہی ہے۔صرف 40 صارفین پر براہ راست اثر پڑا ۔

امریکی صدر جو بائیڈن نے امریکی خفیہ ایجنسیوں کو ہدایت کی ہے کہ وہ تحقیقات کریں کہ اس حملے کے پیچھے کون تھا۔