مصر نے غزہ کی تعمیر نو کا5سالہ منصوبہ پیش کر دیا، کل لاگت کتنی آئے گی؟

 قاہرہ:مصر نے غزہ کی تعمیر نو کیلئے کا پانچ سالہ منصوبہ تیار کیا ہے۔
غیر ملکی میڈیا کے مطابق غزہ کی تعمیر نو کے لیےمصر کا پیش کرد ہ منصوبہ 2 مراحل پر مشتمل ہے اور اس کی کل لاگت 53 ارب ڈالر ہوگی۔
منصوبے کے پہلے مرحلے میں ملبہ ہٹانے اور عارضی رہائش گاہوں کا بندوبست کرنے میں 6 ماہ لگیں گے،عالمی میڈیا کی رپورٹس کے مطابق  پہلے مرحلے کی کا خرچ 20 ارب ڈالر ہوگا۔
جبکہ غزہ کی تعمیر نو کے دوسرے مرحلے میں ڈھائی سال میں 2 لاکھ رہائشی یونٹس اور غزہ ایئر پورٹ کی تعمیر ہوگی۔
رپورٹ کے مطابق دوسرے مرحلے میں 30 ارب ڈالر خرچ ہوں گے، مصری منصوبے کے تحت غزہ کی مکمل تعمیر نو 5 سال میں مکمل ہو جائے گی۔
تاہم دوسری حماس نے اس منصوبے پر ابھی تک کوئی ردعمل نہیں دیا۔
خیال رہے کہ اس سے قبل امریکی صدر ڈونلڈٹرمپ بھی غزہ کی تعمیر نو کا منصوبہ پیش کر چکے ہیں جس کے مطابق غزہ کی تعمیرکے لیے رہائشیوںکو سعودی عرب یا کسی دوسرے عرب ملک میں بسانے کاارادہ ظاہرکیا گیا تھام تاہم حماس سمیت دوسرے عرب ممالک نے ٹرمپ کے اس منصوبے کو یکطرفہ منصوبہ کہتے ہوئے رد کر دیا۔