چیمپیئنز ٹرافی میں بدترین کارگردگی،کپتان نے ریٹائر منٹ کا اعلان کر دیا

ڈھاکہ: آئی سی سی  چیمپیئنز ٹرافی میں بدترین کارگردگی کے بعد بنگلہ دیشی کپتان مشفیق الرحیم نے ون ڈے کرکٹ سے ریٹائرمنٹ کا اعلان کر دیا۔
غیر ملکی میڈیا کے مطابق بنگلہ دیش کے وکٹ کیپر بلے باز نے سوشل میڈیا پراپنے پیغام میں کہا کہ آئی سی سی مینز چیمپیئنز ٹرافی 2025 میں بغیر کسی جیت کے باہر ہونے کے بعد گزشتہ چند ہفتے میرے لیے بہت مشکل رہے۔
سابق کپتان مشفیق الرحیم نے کہا کہ میں آج سے ون ڈے کرکٹ سے ریٹائرمنٹ کا اعلان کر رہا ہوں۔
 انہوں نے اپنے پیغام میں مزید کہا کہ ہماری عالمی سطح پر کامیابیاں محدود رہی ہوں لیکن جب بھی اپنے ملک کے لیے میں میدان میں اترا، پوری ایمانداری اور لگن کے ساتھ سو فیصد سے بھی زیادہ دینے کی کوشش کی۔
خیال رہےکہ بنگلہ دیش کے مایہ ناز بلے باز مشفیق الرحیم نے 2005 میں انٹرنیشنل کرکٹ میں قدم رکھا، ان کی ون ڈے اننگز کا آغاز 2006 سے ہوا۔
 انہوں نے 274 میچز کھیل رکھے ہیں، جن میں انہوں نے 7795 رنز بنائے، ان رنز میں ان کی 9 سنچریاں اور 49 نصف سنچریاں شامل ہیں۔