سابق کرکٹر محمد یوسف بیٹی کی علالت کے باعث دورۂ نیوزی لینڈ سے دستبردار

 سابق کرکٹر محمد یوسف بیٹی کی علالت کے باعث دورۂ نیوزی لینڈ سے دستبردار  ہوگئے ،انہیں پاکستان ٹیم کا بیٹنگ کنسلٹنٹ مقرر کیا گیا تھا۔ 

تفصیلات کے مطابق محمد یوسف نے بیٹی کی خاطر نیوزی لینڈ نہ جانے کا فیصلہ کیا ،سابق کرکٹرنے اپنے فیصلے سے پاکستان کرکٹ بورڈ کو آگاہ کر دیا۔ 

قومی  کرکٹ ٹیم 12 مارچ کی صبح نیوزی لینڈ روانہ ہوگی ،پاکستانی  ٹیم نیوزی لینڈ میں 5ٹی ٹوئنٹی انٹرنیشنل اور 3ون ڈے انٹرنیشنل کھیلے گی۔ 

ذرائع کا کہنا ہے کہ محمد  یوسف کے متبادل کے طور پر کسی کی تقرری نہیں کی جائے گی ۔