خیبر پختونخوا حکومت نے رمضان پیکیج کے تحت اربوں روپے جاری کردیے

پشاور:خیبرپختونخوا کی صوبائی حکومت نے رمضان پیکج کے تحت 10 ارب 20 کروڑ روپے کے فنڈز جاری کردیے۔
اس حوالے سے صوبائی محکمہ خزانہ کا کہنا ہے کہ رمضان پیکج کی رقم 10 ارب 20 کروڑ روپے محکمہ سماجی بہبود کے اکاؤنٹ میں منتقل کردی ہے۔
محکمہ خزانہ کے مطابق رمضان پیکج کے تحت صوبے کے 10 لاکھ خاندانوں کو 10، 10 ہزار روپے دیے جائیں گے اور صوبائی حکومت کے اس پیکج کے لیے صوبائی اسمبلی کے ہر حلقے سے 5،5 ہزار خاندانوں کا انتخاب کیا گیا ہے۔
 خیبرپختونخوا حکومت رمضان پیکج کے لیے خاندانوں کا انتخاب پاکستان تحریک انصاف (پی ٹی آئی) کی مقامی قیادت نے کی ہے اور پی ٹی آئی اراکین اسمبلی اور عہدیداروں نے فہرستیں صوبائی حکومت کے حوالے کردی ہیں۔
صوبائی مشیر خز انہ نے کہا ہے کے رواں سال فروری میں گزشتہ سال کے مقابلے میں کسانوں نے 36 فیصد کم کھاد خرید لی ہے، اسی طرح پچھلے سال فروری کے مقابلے میں ڈی اے پی کھاد بھی 65 فیصد کم خرید لی گئی ہے۔