آسٹریلوی بلےبازڈیو ڈ وارنر کی پہلی بھارتی فلم رواں ماہ ریلیز ہوگی

ممبئی: مایہ ناز آسٹریلوی بلے بازڈیوڈ وارنر کی پہلی بھارتی فلم رواں ماہ کے آخر میں ریلیز ہوگی۔  
بھارتی میڈیا رپورٹس کے مطابق آسٹریلوی کرکٹر ڈیوڈ وارنر نے تیلگو مووی روبن ہڈ میں مختصر کردار ادا کیا ہے۔
 چندروز قبل ا سٹار کرکٹر ڈیوڈ وارنر نے فلم کا پوسٹر اپنے سوشل میڈیا اکاؤنٹ پر شیئر کرتے ہوئے لکھا تھا کہ بھارتی سنیما میں آرہا ہوں۔ انہوں نے اپنی پوسٹ میں مزید لکھا تھا کہ میں روبن ہڈ فلم کا حصہ بننے پر کافی پُرجوش ہوں اور اس میں کام کرکے بیحد لطف اندوز ہوا۔  
ڈیوڈ وارنرنے اپنی فلم کی ریلیز 28 مارچ کو ہونے کا بھی اعلان کیا، فلم میں نیتھن اور سری لیلا نے مرکزی کردار ادا کیا ہے۔  
ڈیوڈ وارنر آئی پی ایل کی وجہ سے بھارت میں کافی مشہور ہیں، ان کی تامل گانوں پر ڈانس کی ٹک ٹاک ویڈیوز کافی وائرل ہوچکی ہیں۔