کووڈ 19 ویکسی نیشن کا ریکارڈ اب آپ کے موبائل فون میں ہوگا

غیر ملکی ویب سائٹ کے مطابق گوگل نے اے پی آئی فار پاسز کو اپڈیٹ کرکے کوڈ ویکسینیشن کا ریکارڈ محفوظ کرنے کی صلاحیت کا اضافہ کیا ہے ۔

گوگل نے چند روز قبل یہ اعلان کیا تھا تاہم صارفین فوری طور پر  اپنا ریکارڈ اپ لوڈ نہیں کرسکتے ۔

یہ اپ ڈیٹیڈ اے پی آئی یا اپلیکیشن پروگرامنگ انٹر فیس دنیا بھر کے حکومتی اداروں اور طبی اداروں کے ڈویپلرز کو ویکسینیشن کارڈ یا کووڈ ٹیسٹ کے نتائج ڈیجیٹل ورژنز تیار کرنے کا موقعہ فراہم کرے گا ۔

گوگل حکام کا کہنا ہے کہ صارف جب ایک بار کووڈ کارڈ کا ڈیجیٹل ورژن اپنی ڈیوائس میں محفوظ کرے گا تو وہ ڈیوائس کی ہوم سکرین پر ایک شارٹ کٹ کے ذریعے اس تک رسائی حاصل کرسکے گا ۔ 

اس اپ ڈیٹڈ اے پی آئی کو سب سے پہلے امریکا میں متعارف کروایا جارہا ہے اور جلد ہی دیگر ممالک میں بھی اس کو متعارف کروایا جائے گا ۔