کینسر کی مریضہ بھارتی اداکارہ حنا خان نے عمرے کی سعادت حاصل کرلی

بھارتی اداکارہ حنا خان، جو اس وقت کینسر کے مرض سے لڑ رہی ہیں، نے رمضان کے مقدس مہینے میں عمرہ کی سعادت حاصل کرلی ہے۔

اداکارہ نے اپنے اس روحانی سفر کی تصاویر اور ویڈیوز اپنے مداحوں کے ساتھ انسٹاگرام پر شیئر کیں۔ ان کی یہ پوسٹس فوری طور پر وائرل ہوگئیں، جہاں مداحوں نے ان کی صحتیابی کے لیے دعائیں مانگتے ہوئے کمنٹس کی بوچھاڑ کردی۔

 

 

 

 

 

View this post on Instagram

 

 

 

 

 

 

 

 

 

 

 

A post shared by ???? ???? (@realhinakhan)

حنا خان نے اپنی پوسٹ کے کیپشن میں لکھا، ’’دل میں آرزو جاگی، اللہ نے قبول فرمائی۔ اللہ پاک مجھے اپنے در پر بلانے کا بے حد شکریہ، بس مجھے جلد ہی مکمل صحت عطا فرمائیں۔‘‘

انہوں نے رمضان کے دوران اپنے بھائی کے ساتھ گزارے گئے خوشگوار لمحات کی جھلکیاں بھی شیئر کیں، جن میں سعودی عرب میں افطار اور سحری کے مناظر بھی شامل تھے۔

حنا خان نے اپنی انسٹاگرام اسٹوریز میں رمضان کے روحانی ماحول کو خوبصورتی سے پیش کیا۔ انہوں نے لکھا، ’’رمضان مبارک میں سحری سے افطاری تک کا خوبصورت سفر، الحمدللہ دعاؤں میں یاد رکھیے گا۔‘‘

گزشتہ سال جون 2024 میں حنا خان نے اپنے مداحوں کو بتایا تھا کہ ان میں اسٹیج 3 بریسٹ کینسر کی تشخیص ہوئی ہے۔ انہوں نے کہا تھا، ’’میں اس بیماری سے لڑنے کےلیے مضبوط اور پُرعزم ہوں، اور میرا علاج شروع ہوچکا ہے۔‘‘ انہوں نے مداحوں سے تعاون اور پرائیویسی کی درخواست کی تھی، ساتھ ہی ان کی محبت اور دعاؤں کے لیے شکریہ ادا کیا تھا۔