لاہور:موٹر سائیکل فوری نہ دھونے پر ملزم نے سروس اسٹیشن ملازم کو گولی ماردی

صوبائی دارالحکومت لاہور کے علاقے قلعہ گجر سنگھ میں موٹر سائیکل فوری نہ دھونے پر ایک شخص نے سروس اسٹیشن ملازم کو گولی مار دی۔
فائرنگ کے واقعے کی کلوزسرکٹ فوٹیج سامنے آ گئی۔
 سی سی ٹی وی کے مطابق ملک علی حسنین ساتھی کے ہمراہ موٹر سائیکل واش کرانے سروس اسٹیشن گیا، جہاں سروس اسٹیشن ملازم یونس نےاسے کچھ دیر انتظار کرنے کا کہا۔
 اسی دوران ملزم نے طیش میں آکر پستول نکالا اور ملازم کو گولی ماردی ۔
پولیس کے مطابق زخمی ہونے والے یونس کو اسپتال منتقل کردیا گیا،جبکہ ملزم کے خلاف اقدام قتل کا مقدمہ درج کرلیا گیا ، کلوزسرکٹ فوٹیج کے باوجود پولیس ملزمان کو گرفتار نہ کرسکی۔