ایف آئی اے کی کارروائی،سوشل میڈیا پر دہشتگردی کے حمایت یافتہ اکاؤنٹس چلانے والے متعدد افراد گرفتار

کوئٹہ:وفاقی تحقیقاتی ادارے(ایف آئی اے) اورصوبائی پولیس نے مشترکہ کارروائی کرتے ہوئے سوشل میڈیا پر دہشت گردی کے حمایت یافتہ اکاؤنٹس چلانے والے متعدد افراد کو گرفتار کرلیا۔
ترجمان ایف آئی کے مطابق گرفتار کیےگئے افراد کالعدم تنظیموں کے بیانیے کی تشہیر کر رہے تھے،موبائل فونز، لیپ ٹاپس، ڈیجیٹل ڈیوائسز اور دستاویزات قبضے میں لے لی گئیں۔
ترجمان نے عوام سے اپیل کی کہ سوشل میڈیا پر ذمہ داری کا مظاہرہ کریں۔
انہوں نے ہدایت کی کہ مشکوک سرگرمی کا علم ہو تو فوری سائبر کرائم ونگ یا قریبی تھانے سے رابطہ کیا جائے۔