حیدر آباد :مال بردارٹرین کی 2 بوگیاں پٹری سے اُتر گئیں

جی این این کے مطابقحادثہ کوٹری ڈاؤن یارڈ میں پیش آیا، جہاں   جامشورو کوٹری اسٹیشن کے قریب  مال بردار   ٹرین کی 2بوگیاں پٹڑی سے اُترگئیں،  ٹرین لاہور سے کراچی جارہی تھی۔   حادثے  سے ٹرین کی دوبوگیاں بری طرح متاثر ہوئی  ہیں ۔ جس کے بعد متاثرہ  بوگیوں کو علیحدہ کردیا گیا ہے ۔

ریلوے ذرائع کے مطابق حادثے میں کسی جانی نقصان کی اطلاع موصول نہیں ہوئی ہے ،   حادثے کے نتیجے میں 300 فٹ ٹریک متاثر ہوا ہے، واقعے کے بعد ریلوے کی امدادی ٹیموں نے جائے حادثے پر پہنچ کر امدادی کاموں کا آغاز کردیا ہے۔حادثے کے بعد    مال بردار ٹرینوں کی آمدو رفت بھی  معطل کردی گئی ہے ۔

خیال رہے کہ  جامشورو ڈویژن میں چند ہفتوں کے دوران مال بردار ٹرین کے پٹری سے اُترنے کا یہ دوسرا واقعہ ہے، 17 جون کو کوٹری ریلوے اسٹیشن کے قریب مال بردار ٹرین کی 7 بوگیاں پٹری سے اتر گئیں تھیں۔