کورونا ویکسین لگوانے پر بزرگ خاتون کی بینائی واپس آگئی

   بھارتی میڈیا کے مطابق کورونا ویکسین  سے متعلق مختلف خبریں سامنے آتی رہتی ہیں ، تاہم   حال ہی میں مہاراشٹر کے ضلع  واشم کی ایک بزرگ  خاتون نے دعویٰ کیا ہے کہ کورونا ویکسین لگوانے کے بعد ان کی بینائی واپس لوٹ آئی ہے۔

70سالہ بھارتی   خاتون متھورا بانی بیڈو نے دعویٰ کیا ہے کہ9 سال قبل موتیا کی وجہ سے ان کی بینائی  چلی گئی تھی اور انہیں دونوں آنکھوں سے نظر نہیں آتا تھا۔ لیکن  کورونا ویکسین لگوانے کے بعد انہیں دوبارہ نظر آنا شروع ہوگیا ہے ۔  خاتون کا کہنا تھا کہ اپنے رشتے داروں کے ساتھ رہتی ہیں اور انہوں نے “کووی شیلڈ ویکسین” کی پہلی ڈوز لگوائی تھی،ویکسین لگوانے کے اگلے ہی روز ان کی 30 سے 40 فیصد بینائی واپس  آگئی تھی ۔

خیال رہے کہ بھارت میں کورونا ویکسی نیشن  مہم جاری ہے ،  شہریوں کو  ویکسین لگوانے کیلئے حکومت کی جانب سے  بھرپور ترغیب بھی دی جارہی ہے۔

واضح رہے کہ بھارت میں کورونا وائرس  سے ہلاکتوں کا سلسلہ جاری ہے ،بھارت میں اب تک کروناوائرس کے تین کروڑ 6 لاکھ کیسزکی تشخیص ہوچکی ہے۔ان میں سے چار لاکھ سے زائد مریض ہلاک ہوچکے ہیں۔ بھارت امریکا کے بعد دنیا میں کروناوائرس سے متاثرہ دوسرا بڑا ملک ہے۔