بھارتی گلوکار راہول ویدیااوردیشا پرمار شادی کےبندھن میں بندھنے کوتیار

تفصیلات کے مطابق بھارتی گلوکار اور بگ باس سیزن 14 کے رنر اپ راہول ودیا نے انسٹا گرام پر اپنی شادی کا کارڈ شیئر کرتے ہوئے بتایا کہ وہ 16 جولائی کو اپنی دوست اداکارہ دیشا پرمار کے ساتھ شادی کررہے ہیں ۔

ایک بھارتی نجی ٹی وی چینل کے پروگرام میں گفتگو کرتے ہوئے راہول ودیا کا کہنا تھا کہ میں شادی انتہائی سادگی سے کروں گا جس میں صرف قریبی رشتے داروں اور دوستوں کو مدعو کیا گیا ہے ۔

دوسری جانب اداکارہ دیشا پرمار کا گفتگو کرتے ہوئے کہنا تھا کہ میں ہمیشہ سے چاہتی تھی کہ میری شادی سادگی سے ہو،اور میں بہت خوش ہوں کہ میری یہ خواہش بہت جلد پوری ہورہی ہے۔

یاد رہے کہ گلوکار راہول ویدیا نے بگ باس سیزن 14 کے دوران ٹی وی پر اپنی دوست اداکارہ دیشا پرمار کو شادی کی پیشکش کی تھی جو انھوں نے قبول کرلی تھی۔