وفاقی وزیر تعلیم شفقت محمود نے طلبا کو خوشخبری سنا دی

 تفصیلات کے مطابق وفاقی وزیر تعلیم شفقت محمود نے طلبہ کی مشکلات کو کم کرنے کے لئے نئی ایپلیکیشن اور ای پورٹل کا اجراء کیا، وفاقی وزیر تعلیم نے برابری کے سرٹیفکیٹ کے اجراء کے لئے ای پورٹل اور ایک موبائل ایپلیکیشن کا آغاز کیا،اس حوالے سے (آئی بی سی سی) نے اپنے آفیشل ٹویٹر اکاؤنٹ پر ٹویٹ کیا، ٹویٹ میں بتایا کہ وفاقی وزیرتعلیم شفقت محمود نے آج ای پورٹل اور ایک موبائل ایپلیکیشن کا آغاز کیا، اس ایپلیکیشن سے بیرون ممالک مقیم طلبہ مستفید ہوسکیں گے۔

مزید پڑھیں : حکومت نے عید سے پہلے سرکاری ملازمین کو خوشخبری سنا دی

The Hon’able Federal Minister for Education and Professional Training, @Shafqat_Mahmood launched the IBCC’s E-Portal and Smart Phone App on July 6, 2021. This app will facilitate overseas students as well. @mallahghulamali @WajihaQmr @EduMinistryPK pic.twitter.com/P2GIefiYa5

— IBCC Official (@Ibcc_official) July 6, 2021

لانچنگ تقریب سے خطاب کرتے ہوئے انہوں نے کہا کہ اس سے قبل طلبا کو چیئر مین کی بین بورڈ کمیٹی (آئی بی سی سی) میں درخواست دینے اور برابری کے سرٹیفکیٹ حاصل کرنے کے لئے لمبی قطار میں انتظار کرنے کی پریشانی کا سامنا کرنا پڑتا تھا، ای پورٹل اور ایپ کا آغاز طویل عمل کو آسان بنائے گا۔ اب ایک طالب علم برابری کے سرٹیفکیٹ کے اجراء کے لئے آن لائن درخواست دے سکتا ہے اور اسے کہیں جانا نہیں پڑے گا ، ادائیگی بھی آن لائن کی جائے گی۔

مزید پڑھیں : وزیر اعظم کا پروٹوکول کے حوالے سے بڑا فیصلہ

انہوں نے کہا کہ مینوئل نظام کو ختم نہیں کیا جا رہا ہے اور اگر کچھ لوگوں نے اس کا انتخاب کیا تو وہ اس کی جگہ پر قائم رہے گا، اس اقدام کو ایک انقلابی تبدیلی قرار دیتے ہوئے شفقت محمود کا کہناتھا کہ اس ایپلیکیشن کا مقصد نوجوانوں کی سہولت دینا اور اس عمل کو آسان بنانا ہے، حکومت تعلیمی نظام میں بہتری لانے کے لئے اقدامات کررہی ہے۔