معروف قوال غلام فرید صابری کومداحوں بچھڑے 31 برس بیت گئے 

ویب ڈیسک:معروف قوال غلام فرید صابری کوبچھڑے31 برس بیت گئے،آج ان کی 31 ویں برسی منائی جارہی ہے۔
غلام فرید صابری قوال 1930ء میں بھارت کے صوبہ پنجاب کے علاقہ روہتک میں پیدا ہوئے قوالی کا فن انہیں وراثت میں ملا تھا  ان کے والد عنایت صابری اپنے دور کے معروف قوال تھے۔تقسیم کے بعد غلام فرید صابری کا خاندان کراچی منتقل ہو گیا انہوں نے اپنے بھائی مقبول صابری کے ساتھ مل کر صابری برادران کے نام سے قوال گروپ بنایااور بے پناہ شہرت حاصل کی۔
دنیا بھر ميں ان کے قوالی کے مداح ان کی محفل سماع کے منتظر رہتے تھے۔ ان کی قوالياں پاکستانی اور بھارتی فلموں میں بھی شامل کی گئیں ۔ 
 ان کی گائی گئی قوالیوں میں ” بھر دو جھولی میری یا محمد ؐ “، ”تاجدار حرم ہو نگاہ کرم“، ”میرا کوئی نہیں ہے تیرے سو ا“ اور دیگر بے پناہ مشہور ہوئیں۔

صابری برادران نے نہ صرف پاکستان بلکہ دنیا کے بیشتر ممالک میں اپنی آواز کا جادو جگایا،انہوں نے نعتیہ قوالی میں نئی جدتیں متعارف کروائیں،1975 میں گائی قوالی تاجدار حرم نے شہرت کو دوام بخشا۔ایک دور میں ان کے آڈیو کیسٹس کی ریکارڈ فروخت ہوتی تھی،غلام فرید صابری اور مقبول صابری نے فلموں کے لئے بھی یادگار قوالیاں ریکارڈ کروائیں۔ 
پاکستان کے نامور قوال 5اپریل 1994 کو علالت کے بعد کراچی میں انتقال کرگئے تھے،ان کی برسی کے موقع پر شو بز انڈسٹری، گلوکار برادری اور شائقین کی جانب سے حاجی غلام فرید صابری کی خدمات پر انہیں پھر پور انداز میں خراج تحسین پیش کیا گیا۔