ماڈل و اداکار سمیع خان کی جانب سے شوبز سے وابستہ افراد کےلئے عید ملن پارٹی کا اہتمام

لاہور : ماڈل و اداکار سمیع خان کی جانب سے شوبز سے وابستہ افراد کےلئے عید ملن پارٹی کا اہتمام کیا گیا ۔ 

پارٹی میں ماڈل و بیوٹیشن ثمر ہ ایمان، گلوکار سونو ڈینجرس،گلوکار احسن ،رطبا خان،شارال ضیا،ماری خان، گلوکار عمیر خان، صائم علی، مریم خان، اور فیصل سمیت دیگر نے شرکت کی اس موقع پر گلوکار سونو ڈینجرس، احسن عباس ،ربکا سلیم اور عمیر خان نے خان نے اپنی آواز خان جادو جگاتے ہوئے شاندار پرفارمنس کا مظاہرہ کیا جبکہ تقریب میں ماڈل و اداکارہ رطبا خان کی سالگرہ کا کیک بھی کاٹا گیا۔

اداکار سمیع خان نے گفتگو کرتے ہوئے کہا کہ عید کی خوشی کے موقع پر دوستوں کے ساتھ اس طرح تقریبات میں مل بیٹھنے کا موقع حاصل ہوجاتاہے عید کی خوشیاں دوبالا ہوجاتی ہیں سمیع خا ن کا مزید کہنا تھا کہ ان دنوں فلم شوٹنگ میں حصہ لینے کے ساتھ ساتھ چند ماڈلنگ پروجیکٹ بھی کر رہا ہوں ۔