کراچی: فائرنگ کے واقعہ میں خاتون سمیت دو افراد قتل

تفصیلات کے مطابق  گبول ٹاؤن نزد دنبہ گوٹھ میں فائرنگ کا واقعہ میں   خاتون سمیت دو افراد قتل ہوگئے  جبکہ ایک بچی زخمی ہے۔پولیس نے  فائرنگ کرنے والا شخص الیاس ولد بچل گرفتار کرلیا ہے اور آلہ قتل تحویل میں لے لیا ہے۔

فائرنگ کرنے والے شخص نے سوتیلی ماں زبیدہ اور بھائی ببلو کو قتل کیا جبکہ گیارہ سالہ سوتیلی بہن افشاں زخمی ہے۔ پولیس جائے وقوعہ سے شواہد اور شاہدین کے بیانات لے رہی ہے اور  لاشیں اور زخمی بچی  کو اسپتال منتقل کر دیا گیا ہے۔

پولیس کا کہنا ہے کہ فائرنگ کاواقعہ ذاتی رنجش کا شاخسانہ لگتا ہے، گرفتار ملزم سے واقعےکے محرکات کےمتعلق معلومات حاصل کی جا رہی ہیں۔پولیس ضابطے کی کارروائی مکمل کر رہی ہے۔