کینیا : شیر کے حملے میں 14 سالہ بچی ہلاک

کینیا کے جنگلی حیات کے تحفظ کے ادارے (کے ڈبلو ایس) کے مطابق نیروبی کے نواحی علاقے میں ایک 14 سالہ لڑکی شیر کے حملے میں ہلاک ہو گئی۔

ادارے کے مطابق یہ واقعہ نیروبی نیشنل پارک کے ساتھ واقع ایک رہائشی فارم میں پیش آیا، جہاں شیر بچی کو رہائشی کمپاؤنڈ سے اٹھا کر لے گیا۔

حملہ آور شیر تاحال نہیں پکڑا جاسکا تاہم حکام کی جانب سے علاقے میں جال لگا دیے گئے ہیں اور شیر کی تلاش کے لیے ٹیمیں بھیج دی گئی ہیں جبکہ آئندہ ایسے واقعات سے بچاؤ کے لیے حفاظتی اقدامات بھی سخت کر دیے گئے ہیں۔

خیال رہے کہ نیروبی نیشنل پارک شہر کے مرکز سے صرف 10 کلومیٹر کے فاصلے پر واقع ہے اور یہاں شیروں، بھینسوں، چیتوں، زرافوں اور دیگر جنگلی جانوروں کی بڑی تعداد موجود ہے۔ پارک کو تین اطراف سے باڑ لگا کر محفوظ بنایا گیا ہے ایک جانب سے اسے کھلا رکھا گیا ہے تاکہ جانور آزادانہ ہجرت کر سکیں۔

کینیا میں جنگلی جانوروں اور انسانوں کا آمنا سامنا ہونا عام بات ہے لیکن انسانوں پر شیر کے حملے اور اموات کم ہی رپورٹ ہوتی ہیں۔ 

کے  ڈبلیو ایس کے اہلکاروں نے شیر کے قدموں کے نشانات کا پیچھا جس کے بعد انہیں ایک دریا کے کنارے بچی کی باقیات ملیں۔