پی ایس ایل10 ،لاہورقلندرز کی ملتان سلطانزکو5وکٹوں سےشکست

ایچ بی ایل پاکستان سپر لیگ10 میں لاہور قلندرز نے ملتان سلطانزکو5وکٹوں  سے شکست دیدی۔
لاہورقلندرزنے186رنزکاہدف 5وکٹوں کےنقصان پر18.6اوورز میں پوراکرلیا۔

قذافی سٹیڈیم میں جاری ایونٹ کے 16ویں میچ میں لاہور قلندرز کی دعوت پر پہلے بیٹنگ کرتے ہوئے ملتان سلطانز نے مقررہ 20 اوورز میں 3 وکٹوں کے نقصان پر 185 رنز اسکور بنائے اور لاہورقلندرزکوجیت کیلئے186رنزکاہدف دیاتھا۔

کپتان محمد رضوان اور کامران غلام نے بالترتیب 76 اور 52 رنز ناٹ آؤٹ باری کھیلی۔ یاسر خان 24، عثمان خان 18 اور شائے ہوپ 9 رنز بنا کر آؤٹ ہوئے۔

قلندرز کی جانب سے ٹام کرن، حارث رؤف اور ڈیرل مچل نے 1، 1 کھلاڑی کو آؤٹ کیا۔

لاہور قلندرز کے سکواڈ میں فخر زمان، محمد نعیم، عبداللہ شفیق، ڈیرل مچل، سیم بِلنگز (وکٹ کیپر)، سکندر رضا، شاہین شاہ آفریدی (کپتان)، آصف علی، حارث رؤف، ٹام کرن، آصف آفریدی شامل تھے۔
ملتان سلطانز کے سکواڈ میں محمد رضوان (کپتان)، شائی ہوپ، یاسر خان، عثمان خان (وکٹ کیپر)، کامران غلام، مائیکل بریسویل، افتخار احمد، محمد حسنین، عاکف جاوید، عبید شاہ، جوشوا لٹل شامل  تھے۔