فیملی ڈرامے کی جانب بڑا قدم، تماثیل تھیٹر میں منفرد طرز کا ڈرامہ’’ چاہت ‘‘پیش 

لاہور:صوبائی دارالحکومت لاہور میں فیملی ڈرامے کی جانب ایک بڑا قدم اٹھاتے ہوئے تماثیل تھیٹر میں منفرد طرز کا ڈرامہ’’ چاہت ‘‘پیش کیا گیا
 جس میں معروف اداکاروں نے شرکت کی،، معاشرتی برائیوں کو اجاگر کرتے ڈرامے میں کامیڈی کے ساتھ سدا بہار گیتوں پر رقص کو دیکھنے والوں نے بھرپور پسند کیا،، ڈرامہ چاہت میں اداکار ہنی البیلا، سخاوت ناز ، نیسرہ نور ، نازلی نور، عروج خان، گڈو کمال  اور دیگر شریک ہوئے۔
ٖڈرامے کی کاسٹ اور ٹیم کا کہنا تھا کہ پنجاب حکومت کے احکامات کے بعدتھیٹر میں خاصی تبدیلی آئی ہے،،ڈرامہ کے رائٹر ڈائریکٹر قیصر ثنا اللہ خان نے کہا کہ فیملی ڈرامے وقت کی اہم ضرورت ہے۔

 ان کا مزید کہنا تھا کہ ڈرامے کی پسندیدگی ظاہر کرتی ہے کہ تھیٹر کو ایسے ڈراموں کی ضرورت ہے، ہم ایسے ڈرامے بناتے ہیں جو لوگ اپنی فیملی کے ساتھ دیکھ سکیں۔
 ڈرامہ ’’چاہت ‘‘میں معاشرتی برائیوں کو طنز ومزاح کے انداز میں اجاگر کیا گیا ، جبکہ سدا بہار گیتوں پر رقص نے بھی ڈرامےکو چار چاند لگائے۔