ایل او سی پر رافیل طیاروں کی ناکام پرواز، بھارتی فضائیہ کے نائب سربراہ عہدے سے برطرف

 نئی دہلی:پہلگام فالس فلیگ واقعے کے بعد بھارت کے عسکروںعہدوں میں ایک اور ہنگامہ خیز تبدیلی نے فوجی اداروں کی اندرونی کمزوریوں کو آشکار کر دیا ہے۔
بھارتی فضائیہ کے وائس چیف آف ایئر اسٹاف ایئر مارشل ایس پی دھارکر کو عہدہ سنبھالنے کے 7 ماہ بعد ہی عہدے سے ہٹادیا گیا۔
رپورٹس کے مطابق ایئر مارشل ایس پی دھرکر منگل کی رات مقبوضہ کشمیر میں رافیل طیاروں کی جارحانہ پروازوں کی نگرانی کر رہے تھے لیکن پاک فضائیہ (پی اے ایف) کی جانب سے رافیل طیارے کو فوری اور موثر انداز میں روکنے کے بعد ایئر مارشل ایس پی دھارکر کی پیشہ ورانہ صلاحیتوں پر سوالات اٹھ رہے ہیں۔
رپورٹس میں مزید بتایا گیا ہے کہ آئی اے ایف کے نائب سربراہ نے اپنے پائلٹوں کے ذریعہ رافیل کو سنبھالنے پر شدید عدم اطمینان کا اظہار کیا۔ ہندوستانی رافیل طیارے پاکستانی جدید ریڈارز کے سامنے بے بس تھے اور رافیل جس نے لائن آف کنٹرول (ایل او سی) پر جارحانہ طریقے سے تلاشی کا کام لیا تھا، کو پاکستانی ریڈارز نے جام کر دیا۔
رپورٹس بتاتی ہیں کہ طیارہ ایک اور آپریشن سوئفٹ ریٹارٹ کا شکار ہوا ہے، ایئر مارشل نرمدیشور تیواری کو ایئر مارشل ایس پی دھرکر کی جگہ بھارتی فضائیہ کا نیا چیف آف ایئر اسٹاف مقرر کیا گیا ہے تاکہ آئی اے ایف میں ہم آہنگی برقرار رہے۔
فضائیہ کے نائب سربراہ کو ہٹائے جانے سے آئی اے ایف میں شدید بے چینی پھیل گئی ہے۔
 پہلگام فالس فلیگ آپریشن کے بعد یہ دوسرا بڑا فوجی ردوبدل ہے،اس سے قبل شمالی کمان کے آرمی کمانڈر کو پہلے ہی تبدیل کیا جا چکا ہے۔
اعلیٰ فوجی قیادت میں تیزی سے تبدیلیاں بی جے پی کے فاشسٹ ایجنڈے اور افواج کی پیشہ ورانہ خود مختاری کے درمیان عدم اعتماد کا ثبوت ہیں۔
خیا ل رہے کہ دو روز قبل ہی مودی سرکار نے پہلگام ناکام فالس فلیگ آپریشن کا سارا ملبہ بھارتی فوج کے ناردرن کمانڈ کے سربراہ پر ڈال کر خود کو بری الذمہ قرار دیا تھا اور ناردرن کمانڈ کے سربراہ لیفٹیننٹ جنرل ایم وی ایس کمار کی چھٹی کردی تھی۔