یمن کے وزیراعظم احمد عوض بن مبارک عہدے سے مستعفی

یمن کے وزیراعظم احمد عوض بن مبارک عہدے سے مستعفی ہوگئے، انہوں نے سعودی عرب پہنچنے کے بعد مستعفی ہونے کا اعلان کیا۔

غیر ملکی خبر رساں ادارے کے مطابق یمن کے وزیراعظم نے استعفے کی وجہ اختیار نہ ہونا قرار دیا۔

عرب میڈیا رپورٹس کے مطابق احمد بن مبارک نے آئینی معاملات میں مداخلت اور حکومتی امور چلانے میں درپیش مشکلات کو استعفی دینے کے فیصلے کی بنیادی وجہ قرار دی۔

انہوں نے کہا کہ معاشی چیلنجز اور سیاسی تقسیم نے موثر انداز میں کام جاری رکھنا ناممکن بنا دیا تھا۔

ایک بیان میں مبارک نے کہا کہ انہیں ’’کئی مشکلات‘‘ کا سامنا رہا، جن میں حکومت میں رد و بدل نہ کر سکنے کی دشواری بھی شامل ہے۔