وزیراعلیٰ پنجاب مریم نواز کی جانب سے مستحق مسیحی خاندانوں میں ایسٹر گرانٹس کی تقسیم

لاہور: وزیراعلیٰ پنجاب محترمہ مریم نواز نے ایسٹر کے موقع پر مسیحی برادری کے ساتھ یکجہتی کے اظہار کے طور پر پنجاب بھر میں مستحق مسیحی خاندانوں میں خصوصی ایسٹر گرانٹس تقسیم کیں، جس میں ان کے انتخابی حلقے پی پی 159 یوحنا آباد پر خصوصی توجہ دی گئی۔
یہ اقدام اس بات کو یقینی بناتا ہے کہ کم آمدنی والے خاندان بھی اس خوشی کے موقع کو باوقار طریقے سے منا سکیں۔ مرکزی تقریب یوحنا آباد کے کمیونٹی اسکول میں منعقد ہوئی، جہاں سابق ایم پی اے شکیل مارکس کھوکھر نے مستحقین میں گرانٹس کے چیکس تقسیم کیے۔
وزیراعلیٰ کی معاون خصوصی ذیشان ملک، وفاقی وزیر رانا مبشر اقبال، سابق وفاقی وزیر سینیٹر کامران مائیکل، اور وفاقی وزیر شبیر احمد عثمانی کی خصوصی معاونت پر ان کا شکریہ ادا کیا گیا۔
مرکزی تقریب کے بعد یوحنا آباد کے مختلف بلاکس میں مزید چیکس کی تقسیم کی گئی تاکہ زیادہ سے زیادہ خاندان مستفید ہو سکیں۔ ان تقریبات میں مختلف کمیونٹی رہنماؤں نے بھی شرکت کی۔
مسیحی برادری نے وزیراعلیٰ پنجاب مریم نواز کے اس ہمدردانہ اور جامع اقدام پر ان کا شکریہ ادا کیا۔