سونے کی قیمت میں کمی ریکارڈ

ملک بھر میں آج پھر سونے کی فی تولہ قیمتوں میں سیکڑوں روپے کی کمی ریکارڈ کی گئی ہے۔

 آل پاکستان صرافہ جیمز اینڈ جیولرز ایسوسی ایشن نے بتایا کہ 24 قیراط کے حامل فی تولہ خالص سونے کا بھاؤ 2 ہزار 300 روپے تنزلی سے 3 لاکھ 41 ہزار 900 روپے ہو گیا۔

اسی طرح 24 قیراط 10 گرام سونے کی قیمت ایک ہزار 972 روپے گر کر 2 لاکھ 93 ہزار 123 روپے ہو گئی جبکہ 22 قیراط 10 گرام سونا ایک ہزار 807 روپے تنزلی سے 2 لاکھ 68 ہزار 706 روپے میں فروخت ہوا۔

ادھر، فی تولہ اور 10 گرام چاندی کی قیمت بالترتیب 3 ہزار 482 روپے اور 2 ہزار 985 روپے پر برقرار رہی۔