سندھ کے مختلف شہروں میں دہشتگردی کے خطرات

تفصیلا ت کے مطابق  سندھ کے مختلف شہروں میں دہشتگردی کے خطرات کے  پیش نظر صوبائی ایپکس کمیٹی اجلاس طلب کرنے کا فیصلہ کرلیا گیا ہے۔ایپکس کمیٹی اجلاس میں اعلی سیاسی، سول اور عسکری حکام شرکت کریں گے، صوبائی ایپکس کمیٹی کے 26ویں اجلاس میں بین الصوبائی سرحدوں کی صورتحال اور دہشتگردی کے ممکنہ خطرات پر غور ہوگا۔

ذرائع کے مطابق چیف سیکریٹری سندھ نے ایپکس کمیٹی اجلاس سے قبل جائزہ اجلاس 13 جولائی کو طلب کیا ہے، چیف سیکریٹری کی زیر صدارت اجلاس میں پولیس،رینجرز سمیت دیگر محکموں کے افسران شرکت کریں گے، ایپکس کمیٹی کے 25 ویں اجلاس کے فیصولوں پر عمل درآمد کی رپورٹ بھی پیش کی جائے گی۔

 وزیر اعلی کی زیر صدارت صوبائی ایپکس کمیٹی کا اجلاس رواں ماہ کے آخری ہفتے میں ہونے کا امکان ہے۔