بارڈر سے کامیاب واپسی: پاک فوج کے دستوں کا زندہ دلان لاہور کی جانب سے پر تپاک استقبال

لاہور:  پاک بھارت بارڈر سے کامیاب واپسی پر پاک فوج کے دستوں کا زندہ دلان لاہور کی جانب سے پر تپاک استقبال کیا گیا۔ لاہور کے شہریوں نے پاک فوج کے جوانوں اور ٹینکوں پر پھولوں کی برسات کر دی۔

شہریوں نے آپریشن بنیان مرصوص کی کامیابی پر پاک فوج کو خراج تحسین پیش کیا۔ قومی پرچم اٹھائے شہری فخر اور خوشی سے جھوم اٹھے۔

 لوگوں نےپاک فوج زندہ باد کے نعرے لگائے اور جشن کا سماں کا ماحول بنا دیا۔

شہریوں نے والہانہ محبت کا اظہار کرتے ہوئے ہمیشہ پاک فوج کے ساتھ کھڑے رہنے کا عزم دہرایا۔