کشمیر کے بیٹے نوازشریف اور شہباز کا سلام ہو، مریم نواز کا شاردہ میں جلسے سے خطاب

اس موقع پر انہوں نے نعرہ لگایا کہ "ہمارا لیڈر ہمارا چیف،نواز شریف،نواز شریف"۔ جس کے بعد مریم نواز کا کہناتھاکہ یہ نعرہ پہلی دفعہ سنا ہے۔

مریم نواز مزید کہا کہ  میں پہلی دفعہ شاردہ آئی ہوں ،شاردہ کی محبت نے پوری زندگی کیلئےساتھ جوڑ لیا ہے ۔ شاردہ کے لوگ جس قدر خوبصورت ہیں اتنا ہی ان کا دل بھی خوبصورت ہے۔ آپ نے جوموتیوں کاہار دیایہ آپ کی محبت اور عزت ہے۔

یہ بھی پڑھیں :اسرائیلی خاتون جس کے آگے سپرپاور امریکہ کا صدر بھی جھکنے پر مجبور ہوگیا

جب سے کشمیر کی دھرتی پر قدم رکھاہے ہر چیز میں نواز شریف کا چہرہ نظرآیا ہے ۔ مجھے آپ کی محبتوں میں نواز شریف کا چہرہ نظرآیا ہے ۔ رہنما مسلم لیگ ( ن ) نے کہا کہ نواز شریف لندن میں ہیں لیکن ہر کارکن کے دل میں بستے ہیں ۔نواز شریف اور مریم نواز شریف کی رگوں میں کشمیری خون ہے۔ مریم نواز اور نواز شریف خالص کشمیری ہیں۔ آپ کا دکھ اور تکلیف سمجھ سکتی ہوں۔

یہ بھی پڑھیں : پاکستان میں عید کب ہوگی، محکمہ موسمیات نے پیشگوئی کردی

اس موقع پر انہوں نے سوال کیا کہ کیاکشمیریوں کا سپہ سالارعمران خان جیسا بزدل انسان ہو سکتا ہے؟

کشمیریوں کا لیڈر نواز شریف ہی ہو سکتا ہے ۔نوازشریف وزیراعظم ہو تا ہے تو بھارتی  وزیراعظم پاکستان تشریف لاتے ہیں۔ مسلہ کشمیر کے حوالے سے ان کا کہناتھاکہ مسئلہ کشمیر اگر حل ہو اتو نواز شریف کی قیادت میں حل ہو گا۔ سلیکٹڈ کو کوئی تسلیم نہیں کرتا،سلیکٹڈکی گھر میں عزت ہے نہ باہر ہے ۔ سلیکٹڈ کشمیر کو مودی کی جھولی میں پھینک  کرآتا ہے۔ سلیکٹڈکہتا ہے کہ 2 منٹ کی خاموشی اختیار کرو۔ 

یہ بھی پڑھیں : این ڈی ایم اے کا مون سون کے حوالے سے الرٹ جاری

دومنٹ کی خاموشی ختم ہو گئی لیکن عمران خان کی خاموشی ختم ہونے میں نہیں آ رہی، ٹرمپ کی ثالثی کے بعدآ کر کہتا ہے کہ ورلڈ کپ جیت کر آیا ہوں ۔بعد میں پتا چلا کہ ورلڈ کپ کشمیر کو بھارت کی جھولی میں پھینکنا تھا۔ رہنما(ن)لیگ مریم نواز نے کہا کہ عمران خان کو کون لایا ہے جانتے ہو نا؟

یہ بھی پڑھیں : عازمین حج کیلئے خوشخبری

نوازشریف نے سلیکٹرز کو کہا22کروڑ میں سے جوسوغات چن کر لائے ہوواپس لے جاؤ۔ وہ سوغات آج نالائقی اور نااہلی کا طوفان بن کر عوام کوبہاکرلےجارہی ہے۔ وہ سوغات اب آزاد کشمیر میں بھی آنا چاہ رہی ہے۔ مریم نواز نے کہا کہ  نواز شریف کے نام سے لوگوں کے ذہنوں میں کیاآتا ہے؟ نواز شریف کے نام سے لوگوں کے ذہن میں بجلی،آٹاسستا اور سی پیک آتےہیں۔ جس پر آج کل پیزا والوں کا قبضہ ہے۔ پیزا بنا بنا کر اربوں پتی ہو گئے ۔

یہ بھی پڑھیں : پاکستان میں عید کب ہوگی، محکمہ موسمیات نے پیشگوئی کردی