میاں بیوی کے درمیان رشتے میں دراڑ کی وجہ شوہر ہوتے ہیں : منیب بٹ

تفصیلات کے مطابق اداکار منیب بٹ کہتے ہیں کہ ایک بیوی کو اپنے شوہر سے صرف ٹائم چاہیے ، اس کے علاوہ بیوی کو کسی چیز کی ضرورت نہیں ہوتی ہے۔

بیوی کی یہی خواہش ہوتی ہے کہ وہ اپنے شوہر کے ساتھ بیٹھ کر دن بھر کی باتیں کرے اس کے ساتھ اپنا سب کچھ شیئر کرے ، بیوی اپنا سب کچھ اپنے شوہر کو سنانا چاہتی ہے ۔ اگر شوہر نہیں سنے گا تو وہ اپنی ماں کے ساتھ فون پر باتیں کرے گی ،ایک بیوی کے پاس سب سے قیمتی اثاثہ اس کا شوہر ہوتا ہے ۔

اداکار کا ایک انٹرویو کے دوران کہنا تھا کہ ہمارے معاشرے میں رشتوں کی خرابی کی زیادہ وجہ مرد حضرات ہوتے ہیں،عورت اتنی بری نہیں جتنا ہم اس کو سمجھتے ہیں ۔

منیب بٹ کا مزید کہنا تھا کہ بعض مرد ایسے ہوتے ہیں جو گھر میں خرچہ بھی نہیں دیتے اور نا ہی اپنی بیوی کو ٹائم دیتے ہیں ،خود مرد عیاشی کرتے ہیں لیکن اس کے باوجود ہم قصوروار عورت کو سمجھتے ہیں ۔