سبزہلالی پرچم کے سپاہی نشان وفا کے عنوان سے  الحمراء لاہور میں تقریب کا انعقاد

سیلوٹ ٹو پاک آرمی ،سبزہلالی پرچم کے سپاہی نشان وفا کے عنوان سے تقریب  الحمراء لاہور میں منعقد کی گئی۔

کلچرل جرنلسٹس فاؤنڈیشن آف پاکستان کے زیر اہتمام تقریب میں فلم،ٹی وی اور تھیٹر سے وابستہ شخصیات کی بھر پور شرکت کی، پروگرام میں سینئر اداکار خالد عباس ڈار،فلم اسٹار غلام محی الدین، فلم اسٹار ریشم،راشد محمود،حیدر سلطان راہی،شہزاد رفیق، صفدرملک اور دیگر نے شرکت کی۔

تقریب میں استاد حامد علی خان ،انور رفیع،میلوڈی کوئین شاہدہ منی،گلوکارہ صومیہ خان،ثمن شیخ ،نرمل شاہ،مون پرویز،عمران شوکت علی،احمد نواز ،شارقہ راج اور ناصر بیراج  نے پاک افواج کو ملی نغمے گا کر خراج تحسین پیش کیا۔

پروگرام میں وطن عزیز کے لئے جانوں کانذرانہ دینے والے شہداء کے لئے حافظ اشفاق نے دعاکروائی۔فلم پروڈیوسر اسلم حسن اور ڈائریکٹر ندیم چیمہ کے بنائے  ملی نغمہ کو پسند کیا گیا۔جس میں فیلڈ مارشل عاصم منیر کی تقریر کے کچھ حصے بھی پیش کیے گئے۔

فلم اسٹار ریشم نے کہاکہ جب نورخان بیس پرحملہ ہواتو پوری قوم کاجذبہ دیدنی تھا۔میں نے ایسی بہادرقوم نہیں دیکھی۔میں افواج پاکستان کوخراج تحسین پیش کرتی ہوں۔ تقریب میں مختلف شوبز شخصیات کو ایوارڈز سے بھی نوازا گی