وفاقی بجٹ پیش کرنے کی تاریخ تبدیل،اب کب پیش کیا جائے گا؟

اسلام آباد: وفاقی بجٹ 2025-26 پیش کرنے کی ممکنہ تاریخ تبدیل کر دی گئی ہے، اس سے قبل وفاقی بجٹ پیش کیے جانے کی ممکنہ تاریخ 2 جون دی گئی تھی۔
ترجمان وزارت خزانہ کے مطابق اب وفاقی بجٹ2 جون کی بجائے 10 جون کو قومی اسمبلی میں پیش کیا جائے گا۔
اس حوالے سےذرائع وزارتِ خزانہ کا کہنا کہ وفاقی بجٹ کی تاریخ کی تبدیلی اور تیاری کی سلسلے میں آئی ایم ایف سے بجٹ مذاکرات پر پیش رفت نہ ہو سکی، وزیراعظم نے معاشی ٹیم کو فوری طلب کر لیا۔
ذرائع وزارت خزانہ کا کہنا ہے کہ معاشی ٹیم وزیراعظم کو صورتحال سے آگاہ کرے گی، آئی ایم ایف کے ساتھ بجٹ اہداف طے کرنے کیلئے وقت درکار ہے، آئی ایم ایف مشن دورہ پاکستان میں مذاکرات مکمل ہو گئے۔
ذرائع کے مطابق پاکستان اور آئی ایم ایف کے درمیان بجٹ مذاکرات سے متعلق تفصیلی سیشن ہوئے جس میں آئندہ مالی سال کے اہداف ورچوئل مذاکرات میں طے ہونے کا امکان ہے۔
خیال رہے کہ بجٹ 26-2025ء کے حوالے سے پاکستان اور بین الاقوامی مالیاتی فنڈ (آئی ایم ایف) کے درمیان مذاکرات جاری ہیں۔