محکمہ موسمیات کی اسلام آباد سمیت ملک کے بیشتر علاقوں میں تیز ہواؤں کیساتھ بارش کی پیشگوئی

ویب ڈیسک: محکمہ موسمیات نےاسلام آباد سمیت ملک کے بیشتر علاقوں میں تیز ہواؤں کیساتھ بارش کی پیشگوئی کردی۔
مکحمہ موسمیات کا کہنا ہےکہ اسلام آباد،مری، راولپنڈی،اٹک،چکوال،جہلم میں تیز ہواؤں کے ساتھ بارش ہوگی،اس کے علاوہ لاہور،قصور،اوکاڑہ،شیخوپورہ،فیصل آباد،سرگودھا ،نارووال میں بھی بارش ہوگی،حافظ آباد، گوجرا نوالہ،منڈی بہاؤالدین، گجرات ،سیالکوٹ میں بادل برسیں گے،میانوالی،خوشاب،بھکر،ملتان  ڈیرہ غازی خان، لیہ،جھنگ میں تیز ہواؤں اور بارش کا امکان ہے،اس دوران چند مقامات پر موسلادھار بارش کیساتھ ژالہ باری  کی بھی متوقع ہے۔
اس کے علاوہ محکمہ موسمیات کے مطابق چترال، دیر، سوات، مالاکنڈ، شانگلہ، کوہستان، بٹگرام، مانسہرہ، ایبٹ آباد، ہری پور، بونیر، باجوڑ، مہمند، خیبر، اورکزئی، کرم، پشاور، چارسدہ، بنوں،ڈیرہ اسماعیل نوشہرہ، صوابی، وزیرستان، کوہاٹ، کرک اور لکی مروت میں بارش کی توقع ہے۔
دوسری جانب سندھ کے بیشتر اضلاع میں موسم شدیدگرم اور خشک رہے گا،دوپہر کے بعد ساحلی علاقوں میں تیز گرد آلود ہوائیں چلنے کی توقع ہے۔
بلوچستان کے بیشتر اضلاع میں موسم گرم اور خشک  رہنے کا امکان ہے،ژوب،موسیٰ خیل، بارکھان، خضدار،لسبیلہ  میں بارش ہو سکتی ہے۔