پہلا ٹی ٹوئنٹی: پاکستان کا بنگلادیش کو جیت کیلئے 202 رنز کا ہدف

لاہور: پہلے ٹی20 میچ میں پاکستان نے بنگلادیش کو جیت کیلئے 202 رنز کا ہدف دے دیا۔

قذافی اسٹیڈیم لاہور میں پاکستان اور بنگلادیش کے درمیان تین میچز پر مشتمل ٹی ٹوئنٹی سیریز کا پہلا میچ کھیلا جا رہا ہے، جہاں پاکستان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 7 وکٹوں پر201 رنز اسکور کیے۔

پاکستان کی جانب سے کپتان سلمان آغا نے 34 گیندوں پر 56 رنز کی اننگز کھیلی جبکہ شاداب نے 48 ، حسن نواز  نے 44، اور محمد حارث نے 31 رنز بنائے۔

بنگلہ دیش کی جانب سے شرف السلام 2، مہدی حسن، حسن محمد، تنظیم حسن ثاقب، رشاد حسین اور شمیم حسین نے ایک ایک وکٹ حاصل کی۔

اس سے قبل ٹاس کے موقع پر گفتگو کرتے ہوئے پاکستانی کپتان سلمان علی آغا کا کہنا تھا کہ بنگلادیش کو بڑا ٹارگٹ دینے کی کوشش کریں گے ، تمام کھلاڑی باصلاحیت ہیں۔ سلمان آغا کا کہنا تھا کہ آج کے میچ کے لئے پلیئنگ الیون بنانا مشکل کام تھا۔   
کپتان بنگلادیش ٹیم لٹن داس کا کہنا تھا کہ  یواے ای میں سیریز نہیں جیت سکے جس کا افسوس ہے، یہ نئی سیریز ہے،امید ہے ٹیم اچھا پرفارم کرےگی، وکٹ اچھی لگ رہی ہے پہلے بیٹنگ یا بولنگ سے فرق نہیں پڑےگا۔
بنگلہ دیش کے خلاف قومی سکواڈ میں فخرزمان، صائم ایوب ،محمد حارث، سلمان علی آغا، حسن نواز، شاداب خان ،خوشدل شاہ، فہیم اشرف، حارث رؤف، حسن علی اور ابرار احمد شامل ہیں۔
یاد رہے کہ اس میچ میں ڈی آر ایس (ڈیسیژن ریویو سسٹم) استعمال نہیں کیا جائے گا، جو کہ سیریز کا ایک خاص پہلو ہے۔