اداکارہ سارہ خان کا شادی کی سالگرہ پر سرپرائز دینے کا اعلان

تفصیلات کے مطابق اداکارہ سارہ خان اور گلوکار فلک شبیر کی شادی گزشتہ سال 16 جولائی کو ہوئی تھی ۔

سوشل میڈیا کے پلیٹ فام انسٹا گرام پر اپنے مداحوں کو مخاطب کرتے ہوئے فلک شبیر نے ایک پوسٹ شیئر کی ہے جس میں انھوں نے لکھا کہ آپ سب کے لیے ہمارے پاس ایک سرپرائز ہے ۔

گلوکار کی پوسٹ کے جواب میں سارہ خان نے انشااللہ لکھا ہے ۔ دونوں کا یہ تبصرہ انسٹا گرام کے مختلف پیجز پر بھی شیئر کیا جارہا ہے ۔

دوسری جانب مداحوں کی جانب سے خاصی دلچسپی کااظہار کرتے ہوئے سوشل میڈیا پر تبصروں کا سلسلہ شروع ہوچکا ہے ۔

مداحوں کی جانب سے مختلف اندازے لگائے جارہے ہیں بعض صارفین کے مطابق سارہ اور فلک اپنے نئے گانے کا اعلان کریں گے ۔ کچھ لوگوں کی جانب سے یہ اندازے لگائے جارہے ہیں کہ شوبز کی یہ جوڑی اپنے بچے کے بارے میں بتائیں گے ۔