علی امین گنڈاپور نے وفاقی بجٹ کو بھونڈا قرار دیتے ہوئے مسترد کر دیا،سڑکوں پر آنے کا اعلان

پشاور: وزیر اعلی خیبر پختونخوا مین گنڈاپور نے وفاقی بجٹ کو بھونڈا قرار دیتے ہوئے اسے مسترد کردیا۔
اسلام آباد میں میڈیا سے گفتگو کرتے ہوئے وزیراعلیٰ خیبرپختونخوا علی امین گنڈا پور نے کہا کہ اب ہمارا صبر جواب دے گیا، اب تحریک شروع ہوگئی، سڑکوں پر آئیں گئے،بھونڈا بجٹ پیش کیا گیا ہے۔
علی امین گنڈا پور نے کہا کہ بانی پی ٹی آئی ہمارا لیڈر ہے،کسی دوسرے کی بات سننے کی ضرورت نہیں ۔
وزیراعلیٰ خیبرپختونخوا نے عمران خان کے لیے امریکا میں احتجاج کرنے والوں کی حمایت کا بھی اعلان کردیا۔
انہوں نے مزید کہا کہ ایسا نہیں ہوسکتا ہمیں کوئی مارے اور ہم مار کھاتے پھریں، جو بھی بانی پی ٹی آئی کے لیے آواز اٹھا رہا ہے اس کے ساتھ کھڑے ہیں۔
ان کا مزید کہنا تھا کہ جہاں بھی احتجاج ہوا ہم ساتھ دیں گے،بانی پی ٹی آئی ڈٹے ہوئے ہیں اوروہ قوم کے لیے لڑرہے ہیں۔
علی امین گنڈاپور کا کہنا تھا کہ 26 ویں آئینی ترمیم عدلیہ پر مارشل لا ہے، عدالتوں میں ڈرامہ ہو رہا ہے، جج چھٹی پر چلے جاتے ہیں، ہم کب تک تماشہ دیکھیں؟ احتجاج میں کبھی ہتھیار ساتھ نہیں لائے لیکن اب لائیں گے اور گولی کا جواب گولی سے دیں گے، احتجاج میں گولی چلی تو اس بار ہماری گولیاں بھی چلیں گی۔