کیا مکمل ویکسینیشن کروانے والے ڈیلٹا ویریئنٹ سے محفوظ ہیں ؟

غیر ملکی خبر رساں ادارے کے مطازبق  امریکی ادارے سینٹر فار ڈیزیز کنٹرول(سی ڈی سی ) اور فوڈ اینڈ ڈرگ ایڈمنسٹریشن (ایف ڈی اے ) کا کہنا ہے کہ جن افراد کو کورونا ویکسین کی دو ڈوز لگ چکی ہیں وہ کورونا کی  تمام قسموں بشمول ڈیلٹا سے مکمل طور پر محفوظ ہیں اور انکو بوسٹر شاٹ یعنی تیسری خوراک لگوانے کی کوئی ضرورت نہیں ہے۔

سی ڈی سی اور ایف ڈی اے نے مشترکہ بیان میں کہا ہے کہ  بوسٹر شاٹ لگوانے چاہئیں یا نہیں، اس سے متعلق  ڈیٹا جمع کیا جا رہا ہےاور  اگر ایسی کوئی بات سامنے آئی تو اس سے فوراً عوام کو آگاہ کیا جائے گا۔

دوسری جانب کورونا ویکسین بنانے والے فائزر کمپنی نے کہا ہے کہ جن افراد نے کورونا ویکسین کی دو ڈوز لگوا لی ہیں ان کو چھ مہینے بعد بوسٹر شاٹ  بھی لگوانا چاہیے تاکہ ڈیلٹا جیسے ویریئنٹ سے  تحفظ مل سکے۔