شادی کے روز دولہا زخمی ، دلہن شادی کرنے اسپتال پہنچ گئی

تفصیلات کے مطابق  گوجرانوالہ میں شادی کے روز دولہا زخمی ہونے پر دلہن شادی کرنے اسپتال پہنچ گئی،  دھونکل کے رہائشی رضوان کی ماریہ سے 9 جولائی کو شادی ہونا تھی۔8 جولائی کی رات رضوان کا ایکسیڈنٹ ہوا جس میں اس کی ٹانگ تین جگہ سے ٹوٹ گئی۔

دلہن ماریہ عروسی لباس پہن کر  پرائیویٹ اسپتال میں شادی کرنے  پہنچ گئی، اسپتال انتظامیہ کی اجازت سے دونوں کا اسپتال میں  نکاح کروایا دیا گیا۔ نکاح کے وقت لڑکی ٹیبل پر جب کہ دلہا بیڈ پر اپنی والدہ کے ساتھ بیٹھا، نکاح کے بعد دلہن نے بیڈ پر زخمی دلہے کے ساتھ شادی کی تصویر بنائی۔

دولہا رضوان اٹلی سے گوجرانوالہ میں پسند کی شادی کرنے کے لیے آیا تھا، رضوان کی پانچ سال قبل گوجرانوالہ کی ماریہ سے فیس بک پر دوستی ہوئی تھی، رضوان کے گھر والوں نے ماریا کے گھر والوں سے رشتہ مانگا تو وہ شادی کرنے پر راضی ہوگئے ۔