یومِ شہدائے کشمیر پر کشمیریوں کے ساتھ کھڑے ہیں : وزیراعظم

تفصیلات کے مطابق سماجی رابطے کی ویب سائٹ ٹوئٹر پر جاری ایک بیان میں وزیر اعظم عمران خان نے کہا ہے کہ 13 جولائی 1931ء کو مہاراجہ ڈوگرا کے فوجیوں نے پرامن مظاہرین پر برسائے جانےپرمنصبِ شہادت پر فائزہوئے۔بھارتی جبر اور غیرقانونی تسلط کیخلاف کشمیریوں کی جدوجہدمزاحمت اورقربانیوں کی تاریخ سے عبارت ہے۔

وزیراعظم نے کہاکہ مزاحمت کی یہ بےخوف اور آزاد روح پوری طرح زندہ ہےکہ کشمیری مرد و زن غیر قانونی بھارتی تسلط کیخلاف پیہم صف آراء ہیں۔ وزیرِ اعظم پاکستان عمران خان کا یہ بھی کہنا ہے اس منصفانہ جدوجہد میں پاکستان اہلِ کشمیر کے ساتھ ہے ۔ انہوں نے مزید کہا ہے کہ کشمیریوں کو اقوامِ متحدہ کی قرار دادوں کے مطابق حقِ خودارادیت ملنے تک کوئی سمجھوتہ نہیں کریں گے۔

مزاحمت کی یہ بےخوف اور آزاد روح پوری طرح زندہ ہےکہ کشمیری مرد و زن غیر قانونی بھارتی تسلط کیخلاف پیہم صف آراء ہیں۔ اس منصفانہ جدوجہد میں پاکستان اہلِ کشمیر کے ساتھ ہے اور سلامتی کونسل کی قراردادوں کی روشنی میں انہیں ان کا حقِ خود ارادیت ملنے تک کسی قسم کا سمجھوتہ نہیں کرے گا۔

— Imran Khan (@ImranKhanPTI) July 13, 2021

واضح رہے کہ کنٹرول لائن کے دونوں جانب، پاکستان اور دنیا بھر میں مقیم کشمیری آج یوم شہدا منارہےہیں۔ڈوگرا راج کے خلاف مسلمانوں کے علم بغاوت بلند کرنے کی یاد میں پاکستان سمیت دنیا بھر میں آج یوم شہدائے کشمیر منایا جا رہا ہے۔ اس دن کا مقصد 13جولائی 1931 اورتحریک آزادی کے دیگر تمام شہداء کو خراج عقیدت پیش کرنا ہے۔