معروف فلمی نغمہ نگار الطاف باجوہ شدید علالت کے باعث اسپتال داخل

معروف فلمی نغمہ نگار الطاف باجوہ شدید علیل ہوگئے انہیں لاہور کے نجی اسپتال میں داخل کروا دیا گیا۔

الطاف باجوہ گزشتہ پانچ روز سے اسپتال میں زیر علاج ہیں ڈاکٹرز کے مطابق الطاف باجوہ کو پانچ روز قبل  نمونیے  کی شکایت ہوئی الطاف باجوہ  کے کریڈٹ پر سینکڑوں فلمی گیت ہیں۔

لالی وڈ کی کئی فلموں کیلئے الطاف باجوہ نے سدا بہار گیت لکھے جو آج بھی زبان زد عام ہیں اُنہوں نے اپنے وقت کی معروف گلوکاروں کے ساتھ کام کیا فنی خدمات کے اعتراف میں انہیں کئی اعزازات سے بھی نوازا گیا ۔ 

 واضح رہے کہ شوبز شخصیات نے بھی الطاف باجوہ کی جلد صحت یابی کیلئے دعا کی ہے اسپتال میں بھی مختلف شوبز شخصیات نے ان کی عیادت کی ۔