خاتون پر تشدد : وزیراعظم کے بھانجے کا وکالت کا لائسنس معطل

تفصیلات کے مطابق  وزیر اعظم عمران خان کے بھانجے کی جانب سے سینئر وکیل اور اسکی خاتون کلانٹ  پر تشدد کرنے  کے معاملے پر مقدمہ کے اندراج کے بعد وکالت کا لائسنس بھی معطل کردیا گیا ہے۔پنجاب بار کونسل نے وزیراعظم کے بھانجے حسان  نیازی ایڈوکیٹ کا وکالت  لائسنس معطل کردیا ہے۔

پنجاب بار کونسل نے محمد ایاز بٹ ایڈوکیٹ کی درخواست ہر حسان نیازی کے خلاف کاروائی کی ،  وائس چئیرمین پنجاب بار کونسل نے معاملہ مزید کاروائی کے لئے ایگزیکٹو کمیٹی پنجاب بار کوبھجوادیا۔

پنجاب بار کونسل نے  مزید کاروائی سترہ جولائی کے لئے ملتوی کردی ہے، محمد ایاز بٹ ایڈوکیٹ نے حسان نیازی کے خلاف کاروائی کے لئے پنجاب بار کونسل کو درخواست دی تھی۔

درخواست گزار محمد ایاز بٹ ایڈوکیٹ کا کہنا تھا کہ  حسان نیازی ایڈوکیٹ نے ساتھی وکلاء کے ہمراہ  مجھے اور   میری کلانٹ پر تشدد کیا۔